56) 11/8 我錯了, 我居然錯完又錯, 錯失兩次食大茶飯機會,點解我不能堅持道氏理論到底? 我恨我自己!

1)6月30日, 我已經看到行業龍頭股2628中國人壽($28.50)和941中國移動($77.60),嚴重落後大市,當時覺得下一個板塊係2628,目標係可升到$35.00 我就買左法興call輪17325,買了310000股,買入價$0.14, 點知法興勁"狗",隻股升,call輪跌,結果我7月6日沽左,當時係$0.141,不計手續費賺了$310左右, 然後再買2899紫金礦業的call輪17054,結果7月9日開始中國人壽就開車, 而隻中人壽call輪最高升到$0.345,我不會在最高位沽貨的,但起碼賺少了50000元, 而隻紫金礦業反而要蝕
2)7月10日,食不到中人壽後, 我將焦點放在中國移動,當日我買了中移call輪,17156,共買了375000股,買入價$0.096 但我覺得買太遠期的call輪根本不能食大茶飯,故此在7月23日在$0.10賣左,不計手續費賺了$1500,7月24日我買左中移call輪15818,共買了800000股,買入價$0.044,這日後,中移有升有跌,但升得較少,而匯豐就升好多,心開始動搖,雖然仍然相信中移在9月1日前能升破$90,但我對自己要求很高,我要食大茶飯中的大茶飯,結果我在8月5日賣左15818,不計手續費賺了$21600, 以為941升會帶動728升,所以當日再買728中國電信call輪13757, 買了1700000股,買入價錢0.029,原因係價錢更低,我可買更多股數,8月6日早上中國A股大跌,我以為港股會跟跌,開市無耐就以$0.026 賣左隻13757,蝕左$5160.00, 心想港股一定跌,也無再看個市,等到12時左右,見隻941,762,728都狂升,死死地氣又買番隻728call輪13757,但只買了1500000股,買入價錢0.03, 而在8月6日開始941就狂升,隻941 call輪15818最高升到$0.146, 我不會在最高位沽,但我估計我又賺少了50000元, 點解呢? 2628因為我擔心, 因為法興太"狗"屈人錢所以沽左,而941因為我太貪心,要食超級大茶飯, 前後兩隻一個月內賺少$100000, 隻941 call輪 15818 最多可以賺231.8%,而我只係賺左61.4%,以我8月份時的實力和對股票的認識,根本不可能犯這樣的錯!